జమ్మూకశ్మీర్‌లోని శ్రీనగర్ శివారు ప్రాంతంలో ఉన్న నౌగామ్ పోలీస్ స్టేషన్‌లో శుక్రవారం రాత్రి భారీ పేలుడు సంభవించింది. ఈ దుర్ఘటనలో మొత్తం 9 మంది మృతి చెందగా, 32 మంది గాయపడ్డారని జమ్మూకశ్మీర్ డీజీపీ నళిన్ ప్రభాత్ వెల్లడించారు.

గాయపడిన వారిలో 27 మంది పోలీసులు, ఇద్దరు రెవెన్యూ అధికారులు, ముగ్గురు పౌరులు ఉన్నారు. మరణించిన 9 మందిలో ముగ్గురు ఫోరెన్సిక్ సైన్స్ లేబొరేటరీ (ఎఫ్‌ఎస్‌ఎల్) బృందం సభ్యులు, ఇద్దరు రెవెన్యూ అధికారులు, ఇతర ఉద్యోగులు ఉన్నట్లు డీజీపీ ప్రభాత్ తెలిపారు.

Also read:నైరుతి బంగాళాఖాతంలో అల్పపీడనం: ఏపీలో రాబోయే రెండు రోజులు భారీ వర్షాలు, తీరప్రాంత ప్రజలకు హెచ్చరిక

పోలీస్ స్టేషన్ లోపల అమ్మోనియం నైట్రేట్ (పేలుడు పదార్థం) నిల్వ ఉంచగా, అది ప్రమాదవశాత్తూ పేలిపోయినట్లు దర్యాప్తు వర్గాలు వెల్లడించాయి. ఈ పేలుడు ధాటికి పోలీస్ స్టేషన్ లోపల ఉంచిన వాహనాలు తీవ్రంగా దెబ్బతిన్నాయి. ఈ శబ్దం కొన్ని కిలోమీటర్ల వరకు వినిపించిందని స్థానికులు పేర్కొన్నారు.

అధికారుల కథనం ప్రకారం, ఒక 'వైట్ కాలర్' టెర్రర్ మాడ్యూల్ కేసుకు సంబంధించిన పేలుడు పదార్థాల నుంచి నమూనాలు తీసుకుంటున్న సమయంలో ఈ పేలుడు సంభవించింది. ఈ పేలుడు పదార్థాలను హరియాణాలోని ఫరీదాబాద్ నుంచి తీసుకొచ్చారు.

స్థానికుడు తారిఖ్ అహ్మద్ ఏఎన్‌ఐతో మాట్లాడుతూ, "శుక్రవారం రాత్రి 11:22 గంటలకు పెద్ద పేలుడు జరిగింది. మేం భయపడ్డాం. పోలీస్ స్టేషన్‌లో ఏదో జరిగిందని అర్థం కావడానికి 15-20 నిమిషాలు పట్టింది. మేం పరిగెత్తుకుంటూ వెళ్లేసరికి మొత్తం పొగ కమ్ముకుంది, మృతదేహాలు పడి ఉన్నాయి. మా స్నేహితులు, పొరుగువారు కూడా ఈ ఘటనలో చనిపోయారు" అని తెలిపారు.

Also read:శబరిమల యాత్రికులకు కీలక హెచ్చరిక: మెదడు వాపు వ్యాధిపై కేరళ ప్రభుత్వ మార్గదర్శకాలు